“Улаанбаатар хотын эмзэг бүлгийн хүн амын эрүүл мэндийн тусламж үйлчилгээний хүртээмжийг сайжруулах” төслийн хүрээнд олон нийтийг дайчлах-чадавх бэхжүүлэх зөвлөх баг Чингэлтэй, Сонгино-Хайрхан, Баянзүрх дүүргүүдийн эмзэг бүлгийн иргэдэд чиглэсэн олон нийтийг идэвхжүүлэх олон талт арга хэмжээг 2008 оноос хойш үе шаттайгаар зохион байгуулж иржээ. Энэ удаа төслийн хүрээнд  орон нутгийн удирдлага, засаг дарга, өрхийн эмнэлгийн багийн ахлагч, дүүргүүдийн эрүүл мэндийн болон нийгмийн бодлогын асуудал хариуцсан мэргэжилтнүүдэд зориулсан сургалтыг өнөөдөр Тэрэлж амралтын газарт зохион байгуулж байна.

Сургалт гурван өдрийн турш үргэлжлэх аж. Сургалтад  25 хүн  хамрагдаж байгаа бөгөөд сургалтын үйл ажиллагаанд Азийн хөгжлийн банк, Эрүүл мэндийн яам, JFPR 9115-MON: “Улаанбаатар хотын эмзэг бүлгийн хүн амын эрүүл мэндийн тусламж үйлчилгээний хүртээмжийг сайжруулах” төслийн удирдлага төлөөлөл, төсөл хэрэгжүүлэх нэгжийн хамт олон болон төслийн олон нийтийг дайчлах ур чадвар нэмэгдүүлэх зөвлөх үйлчилгээ үзүүлэгч байгууллагын төлөөлөлүүд оролцож байна.

Сургалтад оролцогсодын олон нийтийг дайчлах, тэднийг идэвхжүүлэн зохион байгуулах талаар олж авсан шинэ мэдлэг чадвараа ажил хэрэг болгон бүтээлчээр ашиглах, туршлагаа хуваалцах, түншлэл байгуулж, хамтран ажиллах боломжийг  олж авах боломжтой гэж сургалтыг зохион байгуулагчид үзэж байна.