Засгийн газрын ээлжит хуралдаан өнөөдөр 10.00 цагт эхлэх гэж байна. Түүгээр  Хадгаламжийн даатгалын тухай хуулийн төсөл, Аудитын тухай хуулийн шинэчилсэн найруулгын төсөл,  Дэлхийн цахилгаан, шуудан холбооны байгууллагын нэмэлт протоколыг соёрхон батлах тухай, Мэдээлэл, харилцаа холбоо, технологийн талаар төрөөс баримтлах бодлогын тухай, Засгийн газрын тогтоолын хавсралтад нэмэлт, өөрчлөлт оруулах тухай, Хөрөнгө гаргах тухай,  Дорноговь аймгийн Замын-Үүдийн хилийн боомтын талаар авах арга хэмжээний тухай зэрэг асуудал хэлэлцэнэ.

Газрын тосны үйлдвэр байгуулах тухай өнөөдрийн хуралдаанаар ярилцахаар болжээ. Агнуурын зохион байгуулалтын журмын төсөл, ХБНГУ-ын Холбооны канцлер А.Меркелийн айлчлалын үеэр байгуулах Монгол Улс, ХБНГУ-ын Засгийн газар хоорондын Агаарын харилцааны хэлэлцээрийн дагуу байгуулсан Санамж бичгийн тухай зэрэг асуудал мөн хэлэлцэх асуудлын жагсаалтад орсон байна.

Гадаад харилцааны сайд Г.Занданшатар, Батлан хамгаалахын сайд Л.Болд нар нууц асуудал оруулах ажээ.

 Засгийн газрын хуралдааны есдүгээр сарын  мэдээлэл, Шадар сайдын гадаад томилолтын дүнгийн тухай, Эрүүл мэндийн сайдын гадаад томилолтын дүнгийн тухай зэрэг асуудалтай өнөөдрийн хурлаар танилцах юм байна.