-Португалийн шигшээ баг есдүгээр сард Киприйг тоглоход таныг бөмбөг эзэмших бүрд “Месси, Месси” гэж хашгирч байсан. Үүнийг хэрхэн хүлээн авсан бэ?

-Цэнгэлдэх даяараа намайг дэмжинэ үү, байна уу ердөө хамаагүй. Талбай дээр би хэзээ ч энэ талаар боддоггүй. Тэгээд ч хөлбөмбөгт хайртай бүхэн Криштиан Роналдугийн тоглолтыг үзэх дуртай байдаг.

-Хамгийн сүүлд Португалийн шигшээ баг Исландыг 5:3-ийн харьцаатай хожсон. Тухайн тоглолтод алдаа маш их гаргаж байсан?

-Хүнд, хэцүү тоглолт болсон. Манай хамгаалалт багийн маань аварсан. Харин довтолгоо тийм ч сайн байгаагүй. Дандаа сайн эсвэл муу гэж юу байхав. Гэхдээ манай багийн хамгаалалт сайн байсан гэдгийг бүгд мэднэ.

-Танай “Реал Мадрид” багийн Пепе, Коэнтрау зэрэг тоглогч гэмтлийн улмаас оролцоогүй байсан. Тэдний орон зай дутагдав уу?

-Үнэн. Бидэнд Пепе үнэхээр үгүйлэгдсэн. Пепе хэдий шигшээ багтаа тусалж чадаагүй ч түүнийг орлох Рикарду Карвалью байна. Түүнийг сайн тоглосон гэдгийг энд дурдах хэрэгтэй.

-Одоо Данийн шигшээ багийг заавал хожиж, Европийн аваргад оролцоно шүү дээ?

-Манай баг Данийн шигшээ багийг хожихын төлөө ирсэн. Энэ бол бидний зорилго. Тэнцээ хэрэггүй болохоор хожихын төлөө л тоглоно. Сайхан тоглолт болж, бид ялна гэдэгт ч итгэлтэй байна.

-Португалийн шигшээ Исландын хаалганд таван гоол оруулж, хожиход та төдийлөн сайн тоглохгүй байгаа харагдсан. Тэр өдөр азгүй байв уу? Эсвэл форм муутай байна уу?

-Миний сайн тоглох бол хамаагүй. Хамгийн чухал нь Португалийн шигшээ баг Европын аварга шалгаруулах тэмцээнд оролцох явдал.

-Таны биеийн байдал санаа зовоход хүргэж байна шүү…

-Намайг бэртэл гэмтлийн асуудалтай байгааг “Реал Мадрид” багийнхан маань мэднэ. Бэлтгэл дээр надад анхаарч ажиллан, бэлтгэлээс чөлөөлөх нь бий. Гэхдээ би үүнд дургүй. Ямар ч  үед эргэлзээгүйгээр 100 хувь бэлтгэлтэй байхыг хүсдэг.