Багануур дүүргийн “Соёлын ордон” байгуулагдаад 30 жил болж байгаа боловч өнөөг хүртэл хөгжмийн иж бүрэн шинэчлэл хийгдээгүй байжээ. Тэгвэл дүүргийн гуравдугаар хорооны иргэдийн нийтийн хурлын дэмжлэгтэйгээр “Тогтвортой амьжиргаа-II” төслийн хүрээнд “Соёлын ордон”-ыг хөгжмийн зэмсэгтэй болгоход туслалцаа үзүүлсэн байна.

Төслийн хүрээнд 10 гаруй сая төгрөгийн өртөг бүхий 19 нэр төрлийн 42 ширхэг үндэсний болон үлээвэр, цахилгаан хөгжмүүдийг “Эгшиглэн магнай” ХХК нийлүүлсэн бөгөөд хөгжмийн зэмсгийг “Соёлын ордон”-ы уран бүтээлчдэд энэ долоо хоногт гардуулсан байна. Энэ үеэр “Соёлын ордон”-ы морин хуурын багш Л.Отгонбаяр, дууны техникч М.Төрбат нарыг дүүргийн Засаг даргын “Жуух бичиг”-ээр шагнаж урамшуулжээ.