Анхны таван яам байгуулагдсаны 100 жилийн ой энэ сарын 10-ны өдөр тохиож байна. Энэ баярын хүрээнд Хууль зүйн дотоод хэргийн яамнаас санаачлан ирэх даваа гаригт Сүхбаатарын талбайд “Нээлттэй хаалганы өдөр” зохион байгуулахаар болжээ.  Тус арга хэмжээнд хуулийн чиглэлээр үйл ажиллагаа явуулдаг харъяа байгууллагууд оролцож, иргэдэд хуулийн үнэгүй зөвлөгөө өгөх, санал хүсэлтийг хүлээн  авах болон хуулийн чиглэлээр сурч буй оюутан залууст зориулсан ном сурах бичиг худалдаалах  гэх мэт олон үйлчилгээг нэг дор үзүүлэх юм байна.