Түүнийг Ширчингийн Сүх­баатар гэдэг. Олон нийтийн дунд зохиолч, яруу найрагч гэж харагдаад байдаг ч үнэндээ хуульч, сэтгүүлч мэргэжилтэй хүн дээ. Монголын анхны өдөр тутмын чөлөөт хэвлэл “Өдрийн сонин”-ы Орлогч эрхлэгч байснаас гадна “Нийслэл таймс” сониныг анхлан удирдаж байсан гэдгийг нь ч хүмүүс гадарлах байх. Сэтгүүлчид бол түүнийг “Сүхээ эрхлэгч” л гэдэг. Мөн Хууль зүй, дотоод хэргийн дэд сайдын албыг ч хашиж явсан үе түүнд бий. Харин одоо бол Батлан хамгаалах яамны Төрийн захиргаа удирдлагын хэлт­сийн даргаар ажиллаж буй. Ажил­ласан байдлыг нь хараад байхаар их олон газар, олон салбарт хүчин зүтгэсэн хүн. Харин хүмүүсийн яриагаар бол тэрбээр ажилласан салбар бүртээ манлайлдаг гэдэг юм билээ. Үүнийгээ ч баталж, хоёр хоногийн өмнө хууль зүйн докторийн зэргийг “Хүний нэр төр, алдар хүндийн эрх зүйн хамгаалалт” сэдвээр МУИС-д хамгаалсан байх юм. Докторын дисертацийнх нь гол агуулга нь сэтгүүлчидтэй холбоотой. Түүний судалснаар манай хэвлэл мэдээллийнхэн шүү­хэд их дуудагддаг аж. Тэрбээр “Хэвлэл мэдээллийнхэн далд бүх­нийг ил болгож, дэлгэж явдаг учраас зарим нэг зүйл дээр алдаж болно” гэж үзсэн байна лээ. Энэ нь ч сэтгүүлчдэд таалагдсан нь лавтай. Монголын сэтгүүлзүйд шинэхэн докторын хийх ажил ч их байна даа.