“Гурван охин” хамтлагийн шинэ цомог болох “Hot Disco” удахгүй сонсогчдын гарт хүрэх нь ээ. Тэд “Жинхэнэ хайр” бие даасан тоглолтынхоо дараа шинэ цомгийн ажилдаа эрчимтэй орсон. Одоогоор цомгийн бичлэг дуусчихсан бөгөөд хэвлэлтэд явуулахаар зэхэж байгаа гэнэ. Тиймээс шинэ оноос өмнө “Гурван охин” хамтлагийн шинэ цомог худалдаанд гарах юм. Мөн тэд “Жинхэнэ хайр” тоглолтоороо DVD гаргахаар ажиллаж байгаа гэнэ.

Дашрамд дуулгахад, “Гурван охин” хамтлагийн “Дэлхийн ягаан зүрх” дууны клип удахгүй цацагдах бөгөөд тэд клипнийхээ зураг авалтыг Монголын байгалийн үзэсгэлэнт газруудад хийсэн байна.