Хөгжлийн банк гэсэн лут нэртэй, төсвийн мөнгийг нааш, цааш болгох үүрэгтэй нүсэр байгууллагын су­раг дуулдаад удлаа. Уг банк үйл ажил­лагаагаа эхэлсэн гэх боловч одоо­гоор цаасан дээр данстай бай­гаа­гаас хэтрэхгүй байгаа юм. Гэсэн ч Засгийн газраас тус банкны ТУЗ-ыг есөн хүнтэй байхаар тогтоосон төдийгүй  даргаар нь Ч.Хашчулууныг томилж байв. Харин өнгөрсөн долоо хоногийн баасан гарагт ээлжит гэж хэлж болохоор “нууц” томилгоо өр­нөж түүнийг ажлаас нь чөлөөлжээ. Ор­ных нь хүнээр Сангийн яамны Төсвийн бодлогын газрын дарга Б.Бат­жаргалыг томилсон байна. Түүнийг Ардын намын ирээдүйтэй, бас сан­хүүгийн салбарт “өнгөтэй” яваа за­луучуудын нэг гэдэг юм билээ. Өн­гөр­сөн оны арванхоёрдугаар сард болсон Сангийн дэд сайдын то­­­мил­гооны өмнө ч түүний нэр тус на­­мынхан дунд хүчтэй яригдсан. Б.Бат­жаргалын хувьд олон нийтэд тө­­дийлөн танил бус. Ардын намын өдөр тутмын үйл ажиллагаанд оролц­­дог, идэвхитэй залуучуудтай адил­­гүй ч сүүлийн үед  тус намын “томчуудынх” нь гарт байгаа гол хөзрийн нэг болсон юм биш үү. Ямартай ч Б.Батжаргалыг энэ удаа “том” банкны ТУЗ-ын дарга бол­­голоо. Улсын төсвийн орлого, зар­­лагыг одоо ч бүхэлд нь ширээн дээ­­рээ боловсруулж суудаг тэрбээр энэ салбарт ингэж “үнэд орох”-ыг бо­до­ход төрд тун хэрэгтэй түшмэл байх нь.