Өнгөрсөн аки башёд түрүүлэх хэмжээнд
барилдаж чадсан бол Монгол Улсаас мэргэжлийн сүмогийн гурав дахь ёкозүна
төрөхөд тун ойрхон байлаа. Харамсалтай нь Харүмафүжи энэ даалгаврыг
биелүүлж чадалгүй найман даваа, долоон унаатайгаар башёг өндөрлүүлсэн.
Ингэснээр дорж хаяж дахиад хоёр башё хүлээх хэрэгтэй болж байгаа юм.
Түүний энэ байдалд эгдүүцсэн “Исагэхама” дэвжээний эзэн Харүмафүжиг ирэх
башё эхэлтэл амраахгүй байхаар шийджээ. Эхлээд тэрээр багшийнхаа хамт
10 хоногийн турш Японы Фүкүока хотод бясалгалд суух аж. Харин үүний
дараа барилдааны болон хүчний бэлтгэлдээ орох юм байна. Дашрамд
сонирхуулахад, ирэх башёгийн банзүкэг энэ сарын 31-нд зарлана. Харин
барилдаан ирэх сарын 13-нд Фүкүока хотод эхлэх юм.