Монгол, БНСУ-ын хамтын ажиллагааг бэхжүүлэх, харилцааг хөгжүүлэх үүднээс солонгос хэл сурч байгаа бага, дунд, ахлах ангийн сурагчдын дунд “Улсын хэмжээний солонгос хэлний тавдугаар олимпиад”-ыг зохион байгуулахаар болжээ. Уг арга хэмжээний хүрээнд “Солонгос дууг хэн сайн дуулах вэ” дууны уралдааныг мөн зохион байгуулах юм байна.

Солонгос дууны уралдаан МҮЭСТО-д болох бөгөөд шилдгүүдийг аравдугаар сарын 10-ны өдөр буюу ирэх даваа гаригт гурван насны ангиллаар шалгаруулах аж. Тус тэмцээний нэгдүгээр байрын эзэнд 100 ам.доллар, хоёрдугаар байр эзэлсэн дуучинд 80 ам.доллар, гуравдугаар байрын эзэнд 50 ам.доллар болон медаль, дурсгалын зүйлсийг шагнал болгон гардуулах аж.