УИХ-ын гишүүн, Сангийн сайд С.Баярцогт ер нь сэргэлэн эр шүү. Улсын төсөвт хө­рөнгө мөнгө шаардлагатай, хүнд хэцүү байх үед Оюутолгой төслийн хэлэлцээрт орж байлаа. Энэ хэлэлцээр нь амжилттай болж, улсын төсөвт томоохон хө­рөнгө оруулалт хийх “донор” ажил­лагаа болсон. Харин өнгөрсөн баасан гарагт С.Баярцогт сайд да­раа­гийнхаа “донор” ажиллагааг зо­хион байгуулав. Тэрбээр Сангийн яам­ны ажилтан, албан хаагчдын “100 санхүүч-100 донор” хө­дөл­гөөнийг эхлүүлэн Цус сэл­бэлт судлалын үндэсний төвд цус хан­дивлах арга хэмжээг зохион бай­гуулсан байна. Энэ нь ч цаагуураа Сангийн яамны нэр хүндийг өргөх ажил болов. Гэхдээ С.Баяр­цогт сайд өөрөө энэ ажилд гар бие оролцсон нь хэр зөв шийдвэр бай­сан юм бол. Өнөөдрөөс УИХ-ын намрын чуулган эхэлж байгаа. Чуул­ган эхлэнгүүт мэдээж ирэх оны төсвийн талаар ярина. Мөн зарим орд газрын гэрээг шинэчлэн өөрчлөх асуудлыг ч энэ намрын чуулганаар хэлэлцэх нь то­дорхой. Өнөөдрөөс эхлээд со­нин хэвлэл, телевиз, радиогийн гол, гол нийтлэл, нэвтрүүлгүүд түүн рүү болон Сангийн яам руу чиг­лэх нь тодорхой. Донор сайд ч мундахгүй их ажилтай байх нь.