Увс аймгийн ахмадууд өнөөдөр ахмадын баяраа тэмдэглэж байна. Тэд маргааш тохиох ахмадын баярыг тохиолдуулан Монгол Улсын маршал Юмжаагийн Цэдэнбал даргын хөшөөнд цэцэг өргөлөө. Мөн Увс аймгийн удирдлагууд сум бүрээс хүрэлцэн ирсэн ахмадуудаа хүлээн авч, баярын хурал эхлүүллээ. Энэ үеэр ахмадууддаа Увс аймгийн хүндэт тэмдэг болон Ю.Цэдэнбал даргын шагналаар шагнаж, урамшууллаа. Харин баярын хурлын дараа нийт ахмадуудаа хүлээн авч, цайллага хийн хүндэтгэл үзүүлэх юм байна.