“Чингис хаан” хамтлагийн ахлагч, дуучин Д.Жаргалсайхан Монголд анх удаа рок музей байгуулахаар ажиллаж байна. Тэрбээр энэхүү ажлаа таван жилийн өмнөөс хөөцөлдөж эхэлсэн бөгөөд удахгүй нээлтээ хийхээр зэхэж байгаа гэнэ. Түүний байгуулж буй рок музей нь гадаадын орчин үеийн стандартын дагуу байх төдийгүй Монголын рок попын үүсэл, түүх, хамтлаг, дуучдын эдэлж хэрэглэж байсан хөгжим, тоглолтын хувцас, нотны эх бичвэр, гэрэл зураг, танилцуулга гээд бүхий л зүйл байх гэнэ.