Монгол Улсын орчин үеийн дипломат алба үүсч хөгжсний 100 жилийн ойг тохиолдуулан Гадаад харилцааны яам, АПУ компанитай хамтран Улаанбаатар олон хотод суугаа Элчин сайдын яам болон олон улсын байгуулагуудын дунд дартсын “Алтанговь” цомын аварга шалгаруулах тэмцээнийг зохион байгуулжээ. Тус тэмцээнд нийт 10 багийн тамирчид өрсөлдсөнөөс Гадаад харилцааны яамны баг тэргүүлж, алтан медаль, шилжин явах цом хүртсэн бол Их Британи, Умард Ирландын нэгдсэн вант улсын Элчин сайдын яамны баг мөнгөн медаль, Холбооны бүгд найрамдах Герман улсын Элчин сайдын яамны баг хүрэл медаль хүртсэн байна.