Монголбанкны Захирлуудын зөвлөл өнөөдөр хуралдаж, Мөнгөний бодлогын талаар шийдвэр гаргах ёстой байсан ч Монголбанкны ерөнхийлөгч Л.Пүрэвдорж болон зарим удирдлагууд гадаадад албан томилолттой байгаа тул өнөөдрийн хурлын товыг хойшлуулжээ. Нэгэнт Захирлуудын зөвлөлийн хурал цуцлагдаж, мөнгөний бодлогын талаар шийдвэр гарах боломжгүй болсон тул маргааш энэ талаар сэтгүүлчдэд мэдээлэл өгөхөөр зарласан хэвлэлийн бага хурлыг ч мөн цуцалсан байна.