Баянгол дүүргийн IX хорооны нутаг дэвсгэрт үйл ажиллагаагаа явуулдаг  “Хангай”   зочид  буудлын  210 тоот өрөөнөөс нярай хүүхдийн цогцос олдсон хэрэг есдүгээр сарын 14-нд гарсан билээ. Хэргийг Баянгол дүүргийн цагдаагийн хэлтсийн Хүндэвтэр, хүнд гэмт хэрэгтэй тэмцэх тасагт шалгаж байгаа ч нас бараад 2-3 хоносон нярайг зочид буудалд хаяж явсан этгээдийг олоогүй байгаа аж. Өнгөрөгч долоо хоногт уг хэргийн холбогдогчийн сэжүүр олдсон ч шалгах явцад хэрэгт холбогдолгүй болох нь тогтоогджээ.