Өнөөдөр нутгийн төв хэсгээр, 28-нд нутгийн зүүн хагаст  ахиухан хэмжээний хур тунадас, нойтон цас орж, цасан шуурга шуурч,  эрс сэрүүсэхийг анхааруулж байна.

Ихэнх нутгаар үүлшинэ. Нутгийн төв  хэсгээр хур тунадас, нойтон цас орно.Салхи нутгийн баруун хагаст баруун хойноос секундэд 5-10 метр, бусад нутгаар зүүнээс секундэд 8-13 метр, говийн нутаг, зүүн зүгийн нутгийн өмнөд хэсгээр түр зуур секундэд 16-18 метр хүрч ширүүснэ. Алтай, Хангай, Хөвсгөлийн уулархаг нутгаар 0-5 градус, Алтайн өвөр говь болон говийн нутгийн хойд, зүүн зүгийн нутгийн өмнөд  хэсгээр  14-19 градус, говийн нутгийн өмнөд  хэсгээр 20-25 градус,  бусад нутгаар 6-11 градус дулаан байна.

УЛААНБААТАР ХОТ: Үүлшинэ. Хур тунадас орно. Салхи зүүн өмнөөс хойш эргэж секундэд 9-14 метр. Өдөртөө 9-11 градус дулаан байна.

28-нд нутгийн зүүн хагаст, 29-нд Хангайн уулархаг нутаг, Халх голын сав газраар, 1-нд баруун зүгийн нутгийн хойд хэсгээр хур тунадас, нойтон цас орно. Салхи 28-нд говь, талын нутгаар секундэд 16-18 метр хүртэл ширүүсч шороон болон цасан шуурга шуурна. Эрс сэрүүсч Алтай, Хангай, Хөвсгөл, Хэнтэйн уулархаг нутгаар шөнөдөө 7-12 градус хүйтэн, өдөртөө 0-5 градус дулаан, говийн бүс нутгаар шөнөдөө 3 градус хүйтнээс 2 градус дулаан, өдөртөө 8-13 градус дулаан, бусад нутгаар шөнөдөө 4-9 градус хүйтэн, өдөртөө 3-8 градус дулаан байна. Хугацааны эцсээр нутгийн баруун хэсгээр өдөртөө бага зэрэг дулаарна.