HP буюу Хьюлетт Пакардын захирал солигдлоо. Өнгөрсөн жил энэхүү аварга том корпорацийн захирлын албанд очсон Лео Апотекер захирлуудын зөвлөлөөс ирүүлсэн саналын дагуу албан тушаалаасаа огцорлоо. Түүний албан тушаалыг eBay-гийн удирдах зөвлөлийн захирал байсан Мег Уитман залгуулахаар болжээ.
Хатагтай Мег Уитман нь eBay-г онлайн худалдааны дэлхийн топ суваг болгоход ихээхэн үүрэг гүйцэтгэсэн бөгөөд түүнийг худалдаа борлуулалтын тал дээр гайхалтай ур чадвартай захирал хэмээдэг.

Дэлхийн эдийн засгийн хямралаар HP-гийн дэлхий даяархи борлуулалт нь уналтад орсон ч эргээд огцом сэргэсэн.

Лео Апотекерийг өөрийн саналаар албан тушаалаасаа огцорлоо хэмээн мэдээлж байгаа бөгөөд энэ нь түүний HP-гийн тэргүүнээс бууж буй хоёр дахь удаагийн  үйлдэл гэнэ.