Бусдын инээлгэх, хөгжөөх хүнд бөгөөд авьяас шаардсан салбарт зүтгэж яваа
хошин урлагийн салбарынхан бүгд чуулж, нэг тайзнаа гарах гэж байна.
Улсын ууган театр болох Улсын драмын эрдмийн театрын 80 жилийн ойн баярт
зориулан урлагийн мастерууд бэлэг барьж байгаа юм. Энэ удаад хошин
урлагийнхан хамтарч, аравдугаар сарын 14-нд UB Palace-ын тайзнаа ердөө
ганцхан удаа хамтарсан тоглолтоо үзэгчдэд хүргэх гэж байна. Тоглолтод
“Шинэ үе", “Х-Түц”, “Маск”, “Эрхэм элч”, “Өнгөд инээд”, “ДОЗ
Энтертайнмент” зэрэг хошин урлагийн хамтлагуудаас гадна Төрийн соёрхолт,
Гавьяат жүжигчин Д.Сосорбарам, Гавьяат жүжигчин Г.Равдан,
Л.Чаминчулуун, Б.Батзаяа, Б.Туяа гээд Монголын хошин урлагийн салбарын
цахиур хагалагчид оролцох ажээ.