Монгол Улс дэлхийн зах зээлд анх удаа экспортолсон тансаг зэрэглэлийн бүтээгдэхүүн бол  ARKHI брэнд. Үндэсний манлай ууган үйлдвэрлэгч “АПУ” компанийн хамт олны нэгэн зууны туршлагаа шингээн бүтээж, хэрэглэгчдийн итгэл даасан чанарын дээд илэрхийлэл болж чадсан энэ бүтээгдэхүүн 1976 онд БНМАУ-ын Сайд нарын зөвлөлийн тогтоолоор “мэндэлжээ”. Тухайн үед хилийн чанадад Монгол Улсын нэрийн хуудас болж байсан Экс брэнд   35 жилийнхээ ойн дээр шинэчлэгдэж, орчин үеийн шилдэг дэвшилтэт технологийг өөртөө шингээсэн бүтээгдэхүүний жагсаалтын эхэнд бичигдэж эхэллээ.

Тодруулбал, ARKHI брэнд 500 кратын зургаан давхар алмаазан шүүлтүүрийг дамжсаны эцэст хэрэглэгчийн сонголтод очиж буй. Эхний шат болох нүүрсэн шүүлтүүр нь спиртийн амт, үнэрийг сайжруулж, химийн хорт нэгдлийг шүүх зориулалттай уламжлалт технологи юм. Элсэн шүүлтүүрийн хувьд нүүрсэн шүүлтүүрээс дамжсан спиртийн өнгийг тунгалаг болгоно. Харин мөнгөжүүлсэн шүүлтүүр  тунгалаг өнгийг улам тодотгож, нэг үгээр гялтгануулдаг бол мембран шүүлтүүр спиртийг дахин гүн тунгалагжуулдаг. Тав дахь шүүлтүүр бол алмаазан шүүлтүүр. Дэлхийн хүнс үйлдвэрлэлийн салбарт алмаазан шүүлтүүр шилдэг, шинэ технологид тооцогдоно. Хэрэглэгчдэд чанарын баталгааг хангасан, онцгой шилдэг бүтээгдэхүүн барихын тулд хүнс үйлдвэрлэгчдийн оюун ухаан, уран чадвар, сэтгэлгээ, мэдлэгээс бий болсон технологи нь алмаазан шүүлтүүр. Тиймдээ ч дэлхий дахинд 2010 оны “Шинэ, шилдэг технологи” хэмээн өргөмжлөгдсөн алмаазан шүүлтүүрээр ARKHI брэндийг үйлдвэрлэж байна. Энэ шүүлтүүрээр дамжсаны дараа спиртийн өнгө дээд зэргээр тунгалаг болж, амт, үнэр нь зөөлөрч, онцгой мэдрэмж төрүүлдэг. Эцэст нь мөнгөжүүлсэн шүүлтүүрээр дахин шүүж,  спиртийн үнэрийг хоёр дахь шатлалаар багасган давхар цэвэршүүлнэ.
Ингээд зургаан давхар алмаазан шүүлтүүр буюу дэлхийн хамгийн шилдэг, шинэ технологи ашигласан ARKHI брэнд бэлэн боллоо. Гэхдээ бүх дэвшилтэт технологи үүгээр хязгаарлагдахгүй. Зургаан төрлийн шүүлтүүрийг давсны эцэст Германы тэргүүлэгч хүнсний тоног төхөөрөмж үйлдвэрлэгч, олон улсын зэрэглэл бүхий GEA ба Krones-ийн төхөөрөмжүүдийг ашиглан савладаг. Энэ бүхний дараа хэрэглэгч Таны гарт 35 “настай”, Монголын анхны экспортын цэвэр сархад өдгөө хамгийн шинэ, сайн технологи бүхнийг өөртөө шингээсэн ARKHI брэнд очиж байна.

1976 онд Gold Medal, international Flair, Yuhoslovia, 1977 онд  Gold Medal, international Flair, Mongolia, 1984 онд  Gold Medal, international Flair, Bulgaria, 2005 онд Bronze Medal, United Vodka Tasting Competition, Belgium,  1984, 1985 онд  Gold Medal, international Flair, Germany, 2006 онд Gold Medal, Monde Selection World Quality Institute, Belgium, 2011 оны зургадугаар сард DLG Awards-аас Алтан медаль хүртсэн гээд ARKHI брэндийн амжилт түүчээлсээр. Монголын хүнс үйлдвэрлэгчдийн ур ухаан, сэтгэл оюунаас “мэндэлсэн” энэ брэндийн 35 жилийн түүхийн хуудас нэмэгдэхдээ цоо шинэ мэдрэмж, цоо шинэ таашаал, цоо шинэ чанар, баталгааны үнэлэмжийг давхар авчирлаа.

ЭКСПОРТЫН буюу ЭКС гэх тодотголтой ARKHI  нь тухайн үед зөвхөн дипломатч хүмүүсийн  хэрэглээ болж, тодорхой хүрээнд зориулагдан үйлдвэрлэгдэж байсан бол өнөөдөр АПУ компани тэрхүү цэвэр спирт,  цэнгэг усны тансаг найрсал бүхий ARKHI брэндийн амт чанарыг олон түмнийхээ хэрэгцээнд зориулан  зах зээлд гаргаж  эхэллээ.