Ардчилсан нам өнгөрсөн жилийг анхан шатаа сонсох жил болгон зарлаж, улмаар  “Сум 330” тэтгэлэгт хөтөлбөрийг санаачлан амжилттай хэрэгжүүлж буй билээ. Тэтгэлэгт хөтөлбөрийн хүрээнд 21 аймаг, 330 сум бүрийн анхан шатны нэгж бүрээс Төрийн удирдлагын академид суралцаж эхэлсэн бөгөөд өнөөдрийн байдлаар хоёрдугаар ээлжийн сонсогчид хичээлдээ ороод байна. Тэтгэлэгт хөтөлбөрт тэнцсэн сонсогчдыг Ардчилсан Намын дарга Н.Алтанхуяг өнгөрсөн долоо хоногт хүлээн авч уулзлаа.

Уулзалтаар Ардчилсан намын Хэрэг эрхлэх газраас өнгөрсөн хугацаанд хийж гүйцэтгэсэн ажлуудтай сонсогчид танилцлаа. Энэ үеэр намын дарга Н.Алтанхуяг Ардчилсан намын өнгөрсөн 22 жилийн түүхийн хуудсийг сөхөн сонирхолтой яриа өрнүүллээ. Ардчилсан нам ардчилсан хувьсгалд анхдагч байсан шигээ Монголчуудын төлөөх зөв үйл бүхэнд анхдагч байж ирсэн улс төрийн хүчин. Ардчилсан Хувьсгалын хоёр дахь давалгаа Эдийн засгийн хувьсгалыг Ардчилсан нам эхлүүлж, “Монгол хүн 2020” хэлэлцүүлгийг орон даяар зохион байгуулж амжилттай дуусах гэж байгаа. Цаашид энэхүү хэлэлцүүлгийг сум бүрт зохион байгуулах бөгөөд энэ сард Дундговь, Говь-Сүмбэр аймгийн зарим сумдад “Монгол Хүн 2020” хэлэлцүүлгийг зохион байгуулаад байгааг энэ үеэр дурдлаа.   

Ардчилсан намын дарга Н.Алтанхуяг уулзалтын төгсгөлд сонсогчдын сонирхсон асуултанд хариулж, сурлагын өндөр амжилт гаргахыг нийт сонсогчидод хүссэнээр энэ удаагийн уулзалт өндөрлөсөн юм.