Монголын хөрөнгийн бирж энэ долоо хоногт буюу 2011 оны  есдүгээр сарын 19-23-ны хооронд таван удаагийн арилжааг явуулж, 43 ХК-ийн 2.9 сая ширхэг хувьцааг 908.7 сая төгрөгөөр арилжсан байна. 

Компанийн бондын арилжаагаар “Жаст агро” компанийн нэг бүр нь 10,000 төгрөгийн үнэтэй 4,816 ширхэг бондыг 48.2 сая төгрөгөөр арилжсан байна. ТОР-20 индекс 19631.99 нэгжид хүрч, өмнөх долоо хоногоос 55.32 нэгжээр буюу 0.3% буурсан байна.

Индексийн сагсад багтах БиДиСек /9.1%/, Могойн гол /8.1%/, Адуунчулуун /2.2%/, Хөх ган /2.1%/, Талх чихэр /1.4%/, Говь /0.8%/, АПУ /0.3%/ зэрэг компанийн үнэт цаасны ханш буурсан нь индексийн бууралтад нөлөөлсөн байна. Зах зээлийн нийт үнэлгээ 3.4 тэрбум төгрөгөөр буюу 0.2% өсч, 2 их наяд 26.1 тэрбум төгрөг болсон байна.

Ханш нь хамгийн их өссөн үнэт цаасны тоонд Сөдөт /51.6%/, Хэрэглээ импекс /32.2%/, Авто импекс /32.2%/ ханш нь хамгийн их буурсан үнэт цаасны тоонд Бэрх уул /16.5%/, Сор /13.0%/, Монгол савхи /11.9%/ зэрэг ХК-иудын үнэт цаас орж байна.

Нийт 43 үнэт цаас арилжигдсанаас 19 үнэт цаасны ханш өсч, 16 үнэт цаасны ханш буурч, 8 үнэт цаасны ханш тогтмол байлаа. Тоо ширхгээр хамгийн олон ширхэг арилжигдсан үнэт цаасанд Монгол эм импекс /2.4 сая ширхэг/, Гермес центр /176.8 мянган ширхэг/, Ремикон /135.5 мянган ширхэг/ компанийн үнэт цаас орж байна. Үнийн дүнгээр Монгол эм импекс /587.3 сая төгрөг/, АПУ /73.3 сая төгрөг/, Могойн гол /36.3/ сая төгрөг/ компанийн үнэт цаас арилжигдсан байна.