Сонгодог хөгжим сонирхогчдод сануулахад, Гавьяат жүжигчин, ДБЭТ-ын гоцлол хөгжимчин, хийлч Л.Мөнхцэцэгийн анхны бие даасан “Violin and Munia” тоглолт өнөөдөр Улсын дуурь бүжгийн эрдмийн театрт 18.00 цагаас болох гэж байна. Дэлхийн алдарт хөгжмийн зохиолчид болон Монголын хөгжмийн зохиолчдын уран бүтээл энэ үдэш эгшиглэх төдийгүй зорьж очсон та “Mempry pop orchestra”-ийн хэмнэлийг мэдрэх боломжтой юм. Тоглолтын найруулагчаар Соёлын тэргүүний ажилтан Е.Сарантуяа ажиллаж байгаа бол симфони найрал хөгжмийг Урлагийн гавьяат зүтгэлтэн, удирдаач Н.Туулайхүү удирдах юм.