Арнольд Шварцнеггер бодибилдингийн аварга австри залуу хэрхэн Холливудын од болон гялалзаж, улмаар Калифорни мужийн амбан захирагч болсон тухай өөрийн амьдралыг өгүүлсэн дурсамжийн номоо бичиж байна. “Саймон энд Шустер” хэвлэлийн газраас мэдэгдсэнээр түүний ном “Миний амьдралын итгэмээргүй үнэн түүх” нэртэй ажээ. Энэхүү ном ирэх оны аравдугаар сард худалдаанд гарах юм.

Өдгөө 64 настай Шварцнеггер өнгөрсөн тавдугаар сард эхнэрээсээ салж буйгаа албан ёсоор мэдэгдсэн билээ. Эхнэр Мариягаас төрсөн дөрвөн хүүхдээс гадна гэрийн үйлчлэгчийнхээ нэг хүүхдийн эцэг гэдгээ тэрбээр хүлээн зөвшөөрсөн. Гэр бүл, нууц хүүхэд тойрсон энэ бүх дуулиан шуугиан ч мөн уг номын нэгэн хэсэг байх болно. Шварцнеггерийн амьдралын түүх АНУ, Австрали, Канад, Энэтхэг, Британид хэвлэгдэн гарна.