“Терминатор”-ын жүжигчин Арнольд Шварцнеггер  туулсан амьдралынхаа тухай ном бичих гэнэ. Холливуудын алдартай жүжигчнээс Калицфорни мужийн захирагч болж явсан Арни номондоо Австрид өнгөрүүлсэн бага нас, бялдаржуулах урлагаар хичээллэж эхэлсэн үеээ болон хувийн амьдрал, гэр бүл тэр бүү хэл гэрлэлтээ цуцлуулахад хүргэсэн нууц харилцааныхаа тухай ч бичих ажээ. Өдгөө 64 настай жүжигчин Холливуудын ахмад дайчдын нэг жүжигчин “Роки” Сильвестер Сталлонетэй хамтран “The Expendables 2” кинонд зураг авахуулж байгаа юм байна.  Жүжигчин номоо жилийн өмнөөс бичиж эхэлсэн ч Калифорни мужийн захирагч байхдаа хэвлүүлэхийг хүсээгүй ажээ. Тэрбээр амрагийн харьцаатай байсан гэрийн үйлчлэгчийн 14 настай хүүхдийн эцэг гэдгээ хүлээн зөвшөөрсний дараа 25 жил ханилсан эхнэр нь түүнээс гэрлэлтээ цуцлуулсан юм.