Хөвсгөл аймгийн Мөрөн  суманд найман настай охиныг хүчирхийлж,  амь насыг нь хөнөөн цогцсыг нь цүнхэнд хийж хаясан онц ноцтой хэрэг  өнгөрсөн 2010 оны тавдугаар сарын 2-ны өдөр гарсан. Уг хэргийг үйлдсэн гэх Н.Мөнх-Оргилд анхан болон давж заалдах шатны шүүхээс цаазын ял оноосон ч хяналтын шатны шүүхээс нэмэлт мөрдөн байцаалтад буцаах шийдвэрийг өнгөрөгч дөрөвдүгээр сард гаргасан юм.

Үүнээс хойш  таван  сарын хугацаанд мөрдөн байцаалтад дутуу хийгдсэн зүйлийг шалгаж дуусаад өнгөрөгч долоо хоногт Нийслэлийн прокурорын газраас Чингэлтэй дүүргийн шүүхэд шилжүүлжээ. Түүний хэргийн зүйлчлэл өөрчлөгдөөгүй байна. Тэрбээр өнөөдрийг хүртэл хилсээр ял сонссон гэж мэдэгдэн шат шатны шүүхэд давж заалдсаар ирсэн. Н.Мөнх-Оргил нь БГД-т  14-15 насны гурван охиныг хүчирхийлсэн хэрэгт  мөн буруутгагдаад байгаа  юм.