Энэ хичээлийн жилд их, дээд сургуулийн сургалтын төлбөрийг инфляцийн төвшин­тэй уялдуулан 9.4 хувиас хэт­рүүлж нэмэхгүй байх шийд­вэрийг салбарын яамнаас хол­бог­дох сургуулиудын удирд­­лагуудад үүрэгдсэн. Уг үү­рэг даалгаврыг хүлээн авлаа гэдгээ ч төрийн өмчийн их, дээд сургуулийн удирдлагууд мэдэгдэж, мөрдөж ажиллаж байгаа. Зөвхөн төрийн их, дээд сургууль ч бус хувийн хэвшлийн сургуулиудад дээрх шийдвэр хамааралтай. Хувийн их дээд сургуулиудын тухайд оюутны хяналтын тоо, тусгай зөвшөөрөлтэй нь хатуу ярина гэх байр суурийг үгүйсгэх “том толгойтой” их дээд сургуулиудын удирдлагууд ч байна. Хичээлийн шинэ жил эхлээд сар хүрэхгүй хугацаанд дээрх шийдвэрээс давсан хэмжээгээр сургалтын төлбөрөө нэмсэн гэх эцэг эх, оюутан сурагчдын мэдээлэл тасарсангүй. Тухайлбал, “Монос” анагаах ухааны хувийн дээд сургууль гэхэд л өнгөрсөн жил нэг сая 50 мянган төгрөг байсан бол энэ хичээлийн жилийн сургалтын төлбөр нэг сая 600 мянга байна гэх. Дээрх сургуулийн Сургалтын албаны дарга Б.Бадамцэцэгээс салбарын сайдын үүрэг болго­сон шийдвэртэй сургалтын төлбөрийг уялдуулах шийдвэр болон хувь хэмжээнээс давуулж нэмсэн шалтгааны талаар тодрууллаа.

-Танай сургуулийн тухайд инфляцийн төвшинтэй уял­дуулан 9.4 хувиас хэтрүүлэн давсан гэх мэдээлэл байна. Энэ талаар?

-Ерөнхийдөө сургуулийн Удирдах зөвлөл, оюутны төлөө­лөл хуралдаж, энэ хичээлийн жилд сургалтын төлбөрөө тодорхой хувиар нэмсэн нь үнэн. Салбарын сайд зөвхөн төрийн өмчийн их, дээд сургуулиудын сургалтын төлбөрийг 9.4 хувиас хэтрүүлэхгүй байх шийдвэр гаргасан гэж ойлгож байгаа. Хувийн гэдэг утгаараа хэн нэг­ний бизнесийг хүндэтгэх хэрэгтэй. Төрийн сургуулиуд бол улсаас оюутныхаа тоогоор татаас авдаг бол бидэнд ямар нэг татаас, дэмжлэг авдаггүй гэдгээрээ онцлог. Тиймээс сур­гал­тын төлбөрийг нэмэх асуудалд төр оролцох хэрэггүй.

-Үнэ дагаад чанар гэдэг. Сургалтын төлбөртэй тэнцэ­хүйц, мэдлэг олгож чадахуйц сурах орчин, багш нарын ур чадвар, хүрэлцээ танай сур­гуу­лийн тухайд хангалттай бий юу?

-Хамгийн гол нь сургалтын чанарын асуудалд бид илүү анхаардаг. Уламжлалт анагаах ухааны чиглэлээр хамгийн сайн сургалттайд тооцогдохоос гадна сургалтын техник технологийн хувьд улсдаа манайхыг гүйцэх сургууль олдохгүй. Хэрэвзээ манай сургуулийн сургалтын төлбөрийг өндөр гэж байгаа оюутан, эцэг эх байх юм бол заавал манай сургуульд сурах шаардлага байхгүй.

-Багш нарын цалин хөлс­ний тухайд?

-Ерөнхийдөө дунджаар 300-400 мянган төгрөг байсан бол энэ жилээс 500-700 мянган төгрөг болж байгаа. Сургалтын төлбөр дээр сургуулийн санхүү­жилт оршин тогтнодог гэдгийг нуугаад яахав.