Дуучин Д.Болд, “Гурван охин” хамтлагийн дуучин Соло нарын хамтран дуулсан “Хагацаж чадах уу?” дууны клип гарлаа. Энэхүү дуу нь Д.Нацагдоржийн “Учиртай гурван толгой” зохиолоос сэдэвлэн хийж буй уран сайхны киноны дуу юм. Киноны ерөнхий найруулагчаар “Үхэж үл болно-Чингис хаан”, “Нэгэн шөнийн явдал”, “Янаг дурлалын дууль” зэрэг киног бүтээсэн найруулагч Д.Золбаяр ажиллаж байгаа аж. Харин киноны гол дүрд “Х-Түц” хамтлагийн жүжигчин Д.Баттөмөр, З.Онон, ”Монгол модель” агентлагийн загвар өмсөгч О.Амгаланбаатар, “Эра модель” агентлагийн загвар өмсөгч Б.Сайнаа нар тоглож буй тухай бид өмнө нь мэдээлж байсан. Тэгвэл киноны эхний дуу болох “Хагацаж чадах уу?” дуу нь FМ радиогоор цацагдсан даруйдаа хит дуу болж чадсан бөгөөд ийнхүү клиптэй боллоо. Клипийг “V” студийн уран бүтээлчид бүтээжээ.

"Хагацаж чадах уу" дууны клипийг ЭНД дарж үзнэ үү.