Төгөлдөр хуурч, хөгжмийн зохиолч Б.Чинбатын шинэ клип мэндэллээ. Тэрбээр ирэх сард бие даасан томоохон тоглолт хийхээр бэлтгэж байгаа аж. Их ажлын хажуугаар тэрбээр шинэ уран бүтээлээ дүрсжүүлээд амжжээ. Эх орондоо ирээд удаагүй байгаа Б.Чинбатын “Эргэн Ёслохуй-Genesis II” хэмээх шинэ клип үзэгчдийн хүртээл болоод байна. Түүний энэхүү шинэ клип нь “Immortality” цомогт нь орсон бүтээл бөгөөд клипийг “Лемон” студийн уран бүтээлчид хийжээ.

Энэхүү клипний онцлог гэвэл Б.Чинбат бөмбөр, басс гитар, гоцлол гитар, төгөлдөр хуур гээд бүх төрлийн хөгжмийг өөрөө тоглож, бас нэгэн авьяасаа фэнүүддээ дэлгэжээ.