Ялангуяа засгийн эрх  барьж буй МАН, АН-ын­ханд энэ үг илүү хамаатай байх. Өнгөрсөн жилээс дор бүрнээ “Монгол хүн-2020”, “Ард түмнээ сонсьё” аяныг орон даяар өр­нүүлж, айл бүрийн хаалгыг онгол­зуулж буй тэдний хувьд хамгийн их боломжтой юм шиг ээ. Тэгээд ч сонгуулийн сурталчилгаа эхэлсэн ийм үед санадаг санаа биш гэж үү. Хугацааны хувьд бол өдийд намрын ургац хураалт дуусах тийшээ ханддаг цаг. Гэвч энэ жил тариаланч, ногоочид маань хэрээ мэдэхгүй ихийг тарилаа гэсэн шүүмжлэлд өр­төж мэдэхээр болоод байна. Цаг нь тулчихаад байдаг өм­нөхөө хурааж дийлэхгүй сан­­дарч суугаа нийтлэг дүр зу­рагтай байгаа гэнэ. Орон нут­гийнхаа ажилгүй, архи­чин гээд завтай хүн бүрийг дайчлах гээд барахгүй байгаа аж. Өдрийн 15-20 мянган төг­рөгөөр ажиллуулах гээд ч хүн олдохгүй байгаа сурагтай. Ар­гаа барсан зарим тариаланч “Намрын ажилд оюутнуудаа явуулаач, хамтарч ажиллая” гэсэн албан бичгийг их, дээд сургуулийн удирдлагуудад явуу­лаад ч нэмэр болоогүй дуулдав. 90-ээд оны эхэн хүр­тэл оюутнуудыг хүчээр шахам намрын ажилд дай­чилдаг бай­сан. Залуус жил жилийн на­март аль нэг Сан­гийн аж ахуйд очиж өг­лөөнөөс орой бол­тол нуруу тэнийлгэлгүй ажил­лаж, боор­цогоо хувааж идэн өөр хоо­рондоо нөхөрлөх гэж яардаг байсан гэхэд болно. Тэрийгээ одоо эр­гээд “Ай, мөн ч сайхан байж дээ. Залуу насны минь гоё дурсамж” хэмээн шүүрс алдах хүн олон таардаг. Хүүхдийг хүн болгодог нэг шалгуур байж ч гэмээр юм уу. Одоо бол ингэж “хүчлэх” ямар ч  боломжгүй болсон би­­лээ. Харин улс төрийн на­­­­муудын хувьд дэргэдэх за­­­луучуудын байгууллагаа “хө­­­дөлгөөд” намрын ажилд тус­­­лах аян өрнүүлбэл ямар вэ. Нам дагасан залуусын урт цу­вааг тариа, ногооны талбайд ажиллах хөдөлгөөн болгон өргөжүүлээд орон даяар аян өрнүүлмээр байна. Ингэж л тэдний хүчийг ашигламаар байна. Ардчилсан ч бай, Ар­дын ч бай аль ч намынх нь залуус намрын ажлаас хойш суухгүй байх. Үр дүн гардаг эсэх нь эргэлзээтэй элдэв хурал зөвлөлгөөн хийж, ажлаа дийлэхгүй зүдэрч байгаа хү­мүүсийн уурыг хүргэж хө­дөөгүүр давхилдаж байхын оронд хүрз бариад дэм болох нь том тус билээ. Хий хоосон ярьж, бас сонсож явснаас хамаагүй бодитой ажил энэ юм биш үү.