Хошин урлагийн продакшнууд сүүлийн жилүүдэд дэлгэцийн бүтээлд хүч үзэх болсон. Бусдаас илүү өвөрмөц сэтгэж, чанартай уран бүтээлүүдээрээ үзэгчдийг байлдан дагуулдаг “Х-Түц” продакшны залуус энэ зун бас л дэлгэцийн шинэ бүтээлд ханцуй шамлан оржээ. Тэднийг жилдээ нэг сонгодог бүтээл тайзнаа амилуулахаас гадна нэг дэлгэцийн бүтээл хийж, хошин урлагийн тоглолтоо үзэгчдэд хүргэх гээд тун завгүй залуус гэж онцолж болно.

Шинэ мэдээ дуулгахад, “Х-Түц” продакшны хамт олон дэлгэцийн шинэ бүтээлийнхээ зураг авалтыг Швед улсад хийгээд иржээ. Энэхүү киноных нь гол дүрийг тус хамтлагийн жүжигчин Х.Тэмүүжин бүтээсэн бөгөөд одоогоор киноныхоо нэр, дэлгэцэнд гаргах хугацааг нууцалж байгаа гэнэ лээ.