-Оюутолгойд тодорхой мэргэжилтэй хүмүүсийг ажиллуулах шаардлага тавьж байгаа. Энэ мэргэжилтнүүдийг богино хугацаанд хэрхэн бэлтгэх вэ?
-Оюутолгой төслийн хувьд яамтай хамтран ойлголцох санамж бичигт гарын үсэг зурахаар яриа хэлэлцээр хийж байна.Одоогийн байдлаар дөрвөн мэргэжил сургалт үйлдвэрлэлийн төвийг сонгож аваад, зохих шаардлагатай мэргэжилтэн бэлтгэх ангиудыг шинээр нээн, сургалтанд хамруулах гэж байна. Ингэснээр тухайн уул уурхай компаниудтай хийсэн гэрээний дагуу мэргэжилтэн нийлүүлнэ. Мөн шинээр хоёр мэргэжил сургалт үйлдвэрлэлийн төвийг барихаар төлөвлөж байна. Одоо байгаа мэргэжлийн сургалт үйлдвэрлэлийн төвийн сургалтыг хөтөлбөрийг өөрчлөөд Оюу толгойд ажиллах хүчийг шууд бэлтгэж гаргана .
– Зарим нэг салбарт боловсон хүчин дутагдалтай байна. Тухайн салбарын боловсон хүчнийг бэлтгэхэд ямар бодлого хэрэгжүүлж байгаа вэ?
– Манай яамнаас хоёр салбарт хөдөлмөрийн зах зээлийн судалгааг хийж байна. Энэ судалгааг дуусахаар их, дээд сургуулиудын олгож байгаа мэргэжилд квот тогтооно. Цаашид төрөөс төрийн, хувийн их дээд сургууль, мөн мэргэжил сургалтын төвүүдэд санхүүгийн тусламж үзүүлэх зарчмыг барина. Сургуулийн чанараас хамаарч төрөөс дэмжлэг үзүүлэх асуудал яригдана.Тухайлвал төгссөн хүмүүс нь зургаан сарын дотор ажлын байртай болж байгаа үгүйг харгалзан үзээд аль сургуулийг дэмжих үгүйг шийдэх болно.
-Монголд хичнээн их дээд сургууль үйл ажиллагаа явуулж байгаа вэ?
-Одоогийн байдлаар 146 их дээд сургууль байгаа. Харин долдугаар сарын 1-нээс 126 болгож цөөлнө гэв.
Сургуулийн өмнөх боловсрол хамгаас чухал байгаа энэ үед кано технологийн туршилтын цэцэрлэг барьж байгаа бөгөөд хүүхдийн баярын өмнө ашиглалтанд оруулах гэнэ. Мөн боловсролын салбарт хийгдэж байгаа ажлын нэг нь Мэргэжил сургалт үйлдвэрлэлийн салбарыг агентлаг байгуулжээ. Мөн ирэх долоо хоногоос хаврын шалгалтанд зориулж теле хичээлийг зааж эхлэх эхлэх аж. Энэхүү теле хичээлийг шилдэг тэргүүний багш нар заах юм байна.
Тус үзэсгэлэн маш өргөн хүрээг хамарч байгаа нь харагдаж байлаа. Учир нь жил бүрийн сургуулиа танилцуулах үзэсгэлэнд оролцдоггүй хүнд суртал гаргадаг хэмээн шүүмжлүүлдэг МУИС, ШУТИС, ХААИС, оролцож сургуулийнхаа талаар дэлгэрэнгүй танилцуулгыг өгч байлаа. Энэ жилийн хувьд МУИС-ийн босго оноо салбар сургууль бүртээ өөр байгаа бол, Эрүүл мэндийн шинжлэх ухааны их сургуулийнх 800 байна. Харин МУБИС босго оноогоо одоогоор тогтоогоогүй байгаа аж.
Ц.Хишиг