Польшийн Вроцлав хотноо “Дэлхийн цом”-ын финалын тэмцээнд онч мэргэнээ сорьж буй Монгол Улсын Хөдөлмөрийн баатар, Гавьяат тамирчин, “Алтай констракшн” компанийн тамирчин О.Гүндэгмаа урьдчилсан дасгалд буудаж, 581 (96, 99, 97, 97, 100, 99) оноо авснаар дөрөвдүгээр байрт бичигдлээ. Урьдчилсан буудлагын дараах байдлаар Чехийн тамирчин Ленка Марюшкова 588 оноотой тэргүүлж, Болгарын Мария Гроздева, Гүржийн Нино Салуквазе нар удаалж байна. Шигшээ буудлага Монголын цагаар 19.00 цагаас эхлэх ба манай тамирчин шигшээд амжилттай буудвал медалийн тавцанд гарах боломжтой юм.