Сэлэнгэ мөрний савд багтах Туул голын экосистемийг сэргээх хүрээнд минж нутагшуулах ажил эхлэхээр төлөвлөж байгаа. Энэ ажлын талаар мэргэжилтэн, судлаач, бодлого боловсруулагчдыг хамруулсан хэлэлцүүлэг маргааш Хангарьд ордны 14 давхрын А танхимд 14:00 цагт эхлэх юм байна. Хэлэлцүүлгийг  Нийслэлийн Засаг дарга бөгөөд Улаанбаатар хотын Захирагч Г.Мөнхбаяр нээнэ.  “Эко системд минжний гүйцэтгэх үүрэг” сэдвээр МУИС-ийн Биологи, Биотехнологийн сургуулийн Амьтан судлалын тэнхимийн багш, доктор С.Шар, “Туул голд минж нутагшуулах боломж” сэдвээр МУИС-ийн Биологи, Биотехнологийн сургуулийн Амьтан судлалын тэнхимийн багш, доктор Р.Самъяа нар тус  тус илтгэл тавьж, нээлттэй хэлэлцүүлэг өрнүүлэх гэнэ.