Поп опера урсгалаар уран бүтээлээ туурвидаг “Нюанс” хамтлаг 10 насны төрсөн өдрөө фэнүүдтэйгээ хамт тэмдэглэхээр төлөвлөөд байгаа. Тэд ирэх аравдугаар сарын 24-26-нд тоглолт хийхээр төлөвлөж байсан ч жаахан хойшлуулаад байгаа гэнэ. Тус хамтлагийнхны хэлж буйгаар ирэх арваннэгдүгээр сарын 14, 15-нд Соёлын төв өргөөнд хийхээр болжээ. Тэд тоглолтын бэлтгэлдээ хэдийнэ орсон бөгөөд тоглолтынхоо дараа орон нутагт аялан тоглолт хийхээр төлөвлөжээ. Тэдний энэ удаагийн тоглолтод хамтлагийн гишүүн, АНУ-д суралцаж буй н.Өнөрөө ирж, оролцох юм байна.