Дорноговь аймгийн Замын-Үүд суманд гудамжинд тоглож байсан нэг настай хүүг машинаараа дайрч, амь насыг нь хохироосон эмгэнэлтэй хэрэг гарчээ. Land Cruiser маркийн автомашин хөлөглөсөн С гэгч машинаар ухарч байхдаа хүүг анзааралгүй дайрсны улмаас нэг настай бяцхан хүү нас барсан байна. Хэргийг аймгийн цагдаагийн хэлтэст шалгаж байна.

Мөн өчигдөр нийслэлийн Баянгол дүүргийн 20 дугаар хороо, “Барс-2” худалдааны төвийн зүүн урд талд өчигдөр хүн осгож, нас баржээ. Талийгаач 150 орчим см өндөр нуруутай, 35-40 насны эмэгтэй байсан аж. Талийгаачийн хэн болох, нас баралтын шалтгаан зэргийг тогтоохоор шүүх эмнэлгийн задлан шинжилгээнд өгсөн байна. Хэргийг дүүргийн цагдаагийн хэлтэст шалгаж байгаа аж.