Монгол зураачдын өнгө, будаг, хэлбэр агуулгын шийдэл Бангкокийн уран зураг сонирхогчдын нүдийг баясгаж байна. Зураач Х.Батбаатар, Б.Нандин-Эрдэнэ нарын “Төгсгөх цаг” нэртэй үзэсгэлэн “Тео намфа” галерейд гарчээ. Х.Батбаатарын зурсан Буддын сүм хийдийн том, жижиг хонхнууд хийгээд уран бичлэгийн бүтээлүүд, Б.Нандин-Эрдэнийн сонин, сэтгүүлийн хайчилбаруудаар урласан бүсгүй хүний хөргүүд содон шийдлээрээ олны анхаарлыг татаж байгаа тухай “Бангкок таймс” сонинд бичжээ.