Дуучин Бейонсе өнгөрсөн сард болсон МТВ хөгжмийн наадмын үеэр хүүхэдтэй болсноо зарлаж, шүтэн  бишрэгчдийнхээ баярын захидалд дарагдаж байгаа энэ үед түүний нөхөр Jay Z-г нууц хүүхэдтэй гэх яриа сенсаац тарилаа. Гурван жилийн өмнө дуучин Бейонсетой гэрлэсэн рэпер залууг Тринидадын загвар өмсөгч бүсгүй өөрийн есөн настай хүүгийн эцэг гэж мэдэгдсэнийг "Star” сэтгүүл нийтэлсэн байна.

ДНХ шинжилгээ есөн настай хүүгийн эцгийг Jay-Z мөн болохыг нотолсон ажээ. Харин Jay-Z-гийн хүүхдийг тээж буй дуучин Бейонсе үүнийг сонсоод галзууртлаа уурласан ч хүлээн зөвшөөрөхөөс аргагүйд хүрсэн гэнэ. ДНХ шинжилгээ хүүг өөрийнх нь мах цусны тасархай гэдгийг нотолсон тул рэп дуучин Тринидадын загвар өмсөгч бүсгүйд хүүхдийн тэтгэмжийн мөнгө өгөх болж байгаа бөгөөд эхний ээлжинд бүсгүй, хүү хоёрт байшин авч өгөхөөр шийджээ.