Британчууд худал хэлснийг илрүүлэх шинэ технологи бүтээсэн тухай Оросын Ведомости сонинд бичжээ. Худлаа ярьсан хүнийг нүүрний хувирал, нүдний хөдөлгөөн, арьсны өнгө болон биеийн хэмийн өөрчлөлтөөр илрүүлэх шинэ төхөөрөмжийг Бредфорд хотод болсон үзэсгэлэнд танилцуулсан байна.

Шинэ төхөөрөмжний хамгийн онцлог тал нь тухайн хүн өөрийг нь шалгаж байгааг огт гадарлахгүй гэнэ. Одоогоор төхөөрөмж худал хэлсэн тохиолдлын 70 хувийг илрүүлээд байгаа бөгөөд эрдэмтэд хувийг 90 хүртэл өсгөж болно гэж үзэж байгаа юм. Энэхүү технологийг Их Британийн нэгэн нисэх буудалд туршихаар төлөвлөөд байна.