Британийн зохиолч
Том Стоппард Оросын агуу зохиолч Лев Толстойн “Анна Каренина” зохиолоос
сэдэвлэн дэлгэцийн бүтээл туурвихаар болжээ. Өмнө нь дэлхийд алдартай уг
зохиолоос сэдэвлэн ОХУ болон Америкт бүрэн хэмжээний 12 уран сайхны кино бүтээж
байсан ба ирэх онд дэлгэцнээ гарах “Анна Каренина” кино нь Английн уран
бүтээлчдийн хийж буй анхны кино нь гэнэ. Киноны найруулагчаар Жое Райт ажиллах
бол гол дүр Анна Каренинагийн дүрд Британийн жүжигчин Кейра Найтли тоглох ажээ.
Харин Аннагийн нөхөр Алексей Карениний дүрийг жүжигчин Жюд Ло /Jude Law/ бүтээх юм байна.

XIX зууны
сүүлчээр хэвлэгдэн гарсан Оросын энэхүү алдартай роман Лев Толстойн хамгийн
шилдэг бүтээлийн нэг хэмээн үнэлэгддэг. Дэлхийн олон оронд хэвлэгдэн гарч
байсан тус номноос сэдэвлэн бүтээсэн кинонуудад өмнө нь Анна Каренинагийн дүрд
жүжигчин Вивьен Лей /1948/, Грета Гарбо /1935/ нар тоглож байжээ.

Харин ирэх онд
нээлтээ хийх “Анна Каренина”-гийн тухайд энэ сарын сүүлээр Их Британи болон
ОХУ-д зураг авалтаа эхлүүлэх аж.

С.Цэлмэг