“Берлин хотноо зохион байгуулагдаж буй Ази Номхон Далайн орнуудын Долоо хоног” олон улсын арга хэмжээний хүрээнд есдүгээр сарын 13-ны өдөр “Монголын эдийн засгийн өдөрлөг”-ийг Монгол Улсаас ХБНГУ-д суугаа Элчин сайдын яам, германы Жерман Глобал Трайд Форумтай хамтран Берлин хотын захиргааны төв байранд амжилттай зохион байгуулав.  
 
Уг арга хэмжээнд монголын талаас Гадаадын Хөрөнгө Оруулалтын Газрын Дарга Б.Ганзориг, Монголын барилгачдын холбооны Ерөнхийлөгч М.Батбаатар нар илтгэл тавьж, Барилгачдын холбооны шугамаар нийт 14 компани, уул уурхайн салбараас таван компани тус тус оролцлоо.
 
Монголын эдийн засгийг өдөрлөг нь монгол-германы компаниудын хооронд хэлхээ холбоо тогтоох, хувийн хэвшлийн төлөөлөгчид хоорондын харилцаа, хамтын ажиллагааг хөгжүүлэхэд чухал ач холбогдолтой арга хэмжээ болсон гэж хоёр тал дүгнэж байна.