NBA-ийн од, Америкийн сагсан бөмбөгийн
“Орландо Мэжик” багийн төвийн тоглогч Дувайт Ховард Монголд ирээд
буцлаа. Тэрээр монголд байх хугацаандаа хүүхэд, багачуудтай ихэнх цагаа
өнгөрөөх хүсэлтэй байгаагаа хэлж байсан. Харин Монголд айлчлах цөөн
хоногийн хөтөлбөрийн хүрээнд зохион байгуулагдсан хүлээн авалтын үеэр
“Гоёо” компани түүнд зориулан загварын шоугаа үзүүлж, тусгайлан бэлдсэн
бэлгээ өгсөн юм. “Гоёо”-гийнхон дэлхийн од, суперман залууд зориулан
цорын ганц загвараар хийсэн ноолууран цамц бэлэглэсэн. Харин үүний
хариуд Ховард цаашд “Гоёо” ХХК-тай хамтран ажиллаж, өөрийн нэрийн
хувцсыг захиалгаар хийлгүүлэх хүсэлтэй байгаагаа хэлжээ.