Загвар зохион бүтээгч Марк Жэкобс “Кристиан
Диор”-ын төлөө ажиллах нь тодорхой
болсон гэнэ. Харин тэрбээр
Францын загварын ордноос арван сая ам.долларын цалин нэхсэнээс хэлэлцээр удааширч
байгаа ажээ.

Марк Жэкобс өөрөө ч “Кристиан Диор”-той
холбоотой яриаг үгүйсгээгүй гэнэ. “Кристиан Диор”
загвар зохион бүтээгч Жон Галиано Парист бусдыг арьс өнгөөр ялгаварлан гадуурхсан өнгө аястай хэл амаар
доромжилсон хэргээр шүүхэд татагдсаны дараа ажлаас нь халсан юм. Хэрэв “Кристиан Диор” Марк Жэкобстой арван сая
ам.долларын цалин дээр тохирч чадвал “Шанел”-ийн Карл Лагерфельдтэй өрсөлдөхийн тулд жилд 22 коллекци
гаргах болж байгаа юм. Тэрбээр “Кристиан Диор”-ын саналын тухайд “Парисын  “Кристиан Диор”, “Шанел” гэдэг хоёр том загварын ордоны нэгэнд ажиллана
гэдэг бол нэр төрийн хэрэг. Ийм саналыг хүлээн авахгүй байхын аргагүй” гэжээ. 

Н.Энх