Дэвид, Виктория Бэкхэм нарын бяцхан гүнж Харпер Севен Бэкхэм хоёрхон сартай. Живхнээсээ гараагүй, шөнө ч бүтэн нойртой хонож үзээгүй нялх Бэкхэм Рианна, Жастин Бибер, Лейди Гага нарын оддыг хэдийнэ хол давж, 25-аас доош насны топ оддын жагсаалтын тэргүүн эгнээнд бичигджээ. InStyle сэтгүүлээс нэрлэсэн Hot 100 жагсаалтад насанд хүрсэн, хүрээгүй, өсвөр насны, нялх балчир гээд 25 нас хүрээгүй олон од багтсан. Харин Виктория, Дэвид нарын дэндүү балчирхан охин жагсаалтын хамгийн түрүүнд бичигджээ. Ирээдүйд ээжийгээ дуурайж поп од, загвар өмсөгч, эсвэл аавыгаа дуурайж тамирчин болох эсэх нь хамаагүй, тэр дөнгөж төрсөн цагаасаа оддын эгнээнд хөл тавьсан юм.

Бэкхэмийн охин Харперийн араас Гевин Россдейл, Гвен Стефаны нарын гурван настай хүү Зума болон тавтай хүү Кингстон нар жагсчээ. Харин дөрөвт “өндөр өсгийтөд дурлагч” Сюри Круз бичигдсэн бол топ 10-т Кьерон Уилльямсон, Жэки Эванчо, Уиллоу Смит, Элли Фэннин, Дакота Фэннин нарын өсвөр насны одод эрэмбэлэгджээ. Түүнчлэн жагсаалтын 15-т Мадоннагийн охин Лордес, 18-д Жастин Бибер бичигдсэн байна.