Зууны манлай эстрадын дуучин, поп хатагтай хатагтай Б.Сарантуяа өнгөрөгч сард худалдаанд гаргасан “Аргагүй монгол аялгуу” цомгийнхоо баярыг өнөөдөр, маргааш хоёр өдөр “Монгол бөхийн өргөө”-нд хийх гэж байна.  “Аргагүй монгол аялгуу” тоглолтыг Хаан банк ивээн тэтгэж, “Saraa’s music” продакшн, “New star” студи хамтран зохион байгуулах ажээ. Үндэсний хөг аялгууг орчим үеийн хөгжмийн хэмнэлтэй нийлүүлсэн этник цомгийн баярт Ардын дуу, бүжгийн чуулгын дуучид, хөгжимчид, бүжигчид, поп хатагтайн найз нөхөд болон түүний шавь нар оролцоно.
Поп хатагтай тоглолтдоо буриад дуу, “Ихэр саран” зэрэг хуучны хит дуугаа дуулахаас гадна үзэгчдэд зориулсан маш олон “сюрприз” бэлтгэсэн гэнэ лээ. Харин ямар сюрприз болохыг өнөөдөр 19.00 цагт эхлэх түүний тоглолтоос харах үлдлээ.