Улсын драмын театрын тайзнаа “Хайрын намар” үргэлжилж байна. Тус театр орчин үеийн жүжгүүдийг цувралаар үзэгчдийн хүртээл болгож байгаа бөгөөд энэ удаа К.Людвигийн “Гол дүрийн амрагууд” инээдмийн жүжгийг тайзнаа амилуулахаар болжээ.

Маргааш, нөгөөдөр буюу ердөө хоёр өдөр театрын тайзнаа үзэгчдийг хөгжөөх эл жүжгийг найруулагч Ч.Түвшин, Э.Батхүү нар найруулсан ба дүрүүдэд жүжигчин Г.Амгаланбаатар, С.Болд-Эрдэнэ, Д.Ганцэцэг, Д.Баттөмөр, Ардын жүжигчин Д.Мэндбаяр, жүжигчин М.Цолмонбаатар, Ц.Цэрэнболд, Н.Бадарч нар тогложээ. Сонирхуулахад, “Хайрын намар” жүжгийн тасалбар 10 мянган төгрөг бөгөөд УДЭТ-ын кассаар худалдаалж байгаа юм.

“Хайрын намар” тоглолтын хуваарийг толилуулъя.

Есдүгээр сарын  14-15-нд К.Людвиг “Гол дүрийн амрагууд” инээдмийн жүжиг

Есдүгээр сарын 16-18-нд Ч.Ганхуяг “Эхнэрээ зээлээч” инээдмийн жүжиг

Есдүгээр сарын 21-24-нд С.Жаргалсайхан ”Нууц амраг чинь болъё” орчин үеийн  драмын жүжиг тус тус 20.00 цагт тоглох гэж байна.