Доод Тагил хотноо болж байгаа Олон ул­сын зэр зэвсэг ба цэргийн техник, сум хэрэгс­лийн VIII үзэсгэлэн дээр танкийн довтолгоог дэмжих (БМПТ) “Терминатор” цэргийн ма­шиныг үзүүлжээ. Үзэсгэлэнгийн эхний өдөр “Уралвагонзавод” компани БМПТ “Терминатор”-аас гадна  бусад техникийг үзүүлэв. Салоны зочдод өөрөө явагч их буу, ойн түймэртэй тэмцэх машин зэргийг  үзүүлжээ. Үзэсгэлэнгийн гол үзвэр нь сайжруулагдсан Т-90С танк болсон байна. БМПТ  машин нь олон талын зориулалтай байлдааны техник бөгөөд Т-90С танкийн суурин дээр бүтээгдсэн байна. Үйлдвэрлэгчийн танилцуулгад бичсэнээр уг машин нь дайсны гол хүчийг устгах зориулалтай ба танкийн эсрэг гранат харвагч, пуужингийн цогцолбор болон буудлагын зэвсэгтэй. Мөн доогуур нисч байгаа хурд багатай онгоцыг сөнөөх чадвартай гэнэ. Хуяглалт болон туулах чадвар сайтай, уулархаг ой модтой талбарт үр дүнтэйгээр ашиглагдаж чадах гэнэ.