-Энэ сард нийт нутгийн хэмжээнд цаг агаар ямар байх төлөвтэй байгаа вэ?

-Нийт нутгаар ойрын өдрүүдэд ихэнх нутгаар хур тунадас, уулархаг газраараа цас орж, эрс сэрүүсэх төлөвтэй байна. 14-нд ихэнх нутгаар, 15-16-нд нутгийн зүүн хэсгээр, 17-нд зүүн зүгийн нутгаар хур тунадас, уулархаг нутгаар нойтон цас орно. Салхи 14-нд говь, талын нутгаар секундэд 12-14 метр хүрч ширүүснэ. Хүйтэрч Алтай, Хангай, Хөвсгөл, Хэнтэйн уулархаг нутгаар шөнөдөө 7-12 градус хүйтэн, өдөртөө 1-6 градус дулаан, говийн бүс нутгаар шөнөдөө 1 градус хүйтнээс 4 градус дулаан, өдөртөө 12-17 градус дулаан, бусад нутгаар шөнөдөө 3-8 градус хүйтэн, өдөртөө 7-12 градус дулаан байна.Цаашдаа ихэнх нутгаар эрс сэрүүсэхийг малчид болон тариаланчдад анхааруулах нь зүйтэй болов уу.

-Газар тариалангийн бүс нутгаар  эрхлэгчдийн хувьд энэ цаг үед ургац хураалтын ид ажлын цаг үе. Ирэх өдрүүдэд тухайн бүс нутгаар цаг агаар ямар байх вэ?

-Ойрын өдрүүдэд шөнөдөө хөрсөн дээр хасах хэм хүртэл хүйтэрч байгаа. Энэ сарын хоёрдугаар арав хоногийн дунд үеэр дахин хүйтэрч, Дархадын хотгор болон Хангайн уулархаг нутгаар шөнөдөө 4-9 градус хүйтэн, өдөртөө 4-9 градус дулаан, бусад нутгаар шөнөдөө 3 градус дулаанаас 2 градус хүйтэн, цочир хүйтрэх ба өдөртөө 9-14 градус дулаан байна. Гуравдугаар арав хоногийн эхэн ба сүүлчээр төвийн аймгийн уулархаг нутгаар шөнөдөө 5-10 градус хүйтэн өдөртөө 8-13 градус дулаан, бусад нутгаар шөнөдөө 1-6 градус хүйтэн, өдөртөө 12-17 градус дулаан байна. Бусад хугацаанд Хангай, Хөвсгөлийн уулархаг нутгаар шөнөдөө 3-8 градус хүйтэн, өдөртөө 13-18 градус дулаан, бусад нутгаар шөнөдөө 2 градус дулаанаас 3 градус хүйтэн, өдөртөө 17-22 градус дулаан байх төлөвтэй байна.

 -Ирэх өвлийн цаг агаарын урьдчилсан төлөв байдал ямар байх бол?

-2011-2012 оны хүйтний улирлын урьдчилсан төлөв байдлаар аравдугаар сард нийт нутгаар олон жилийн дунджийн орчим дулаан байна. Ерөнхийдөө  энэ жилийн хамгийн их хүйтэн арванхоёрдугаар сард байх төлөвтэй байгаа.