Олон улсын жүдо бөхийн “Дэлхийн цом” ангилалд багтах Монгол улсын ерөнхийлөгчийн  нэрэмжит “Чингис хаан 2011” тэмцээн өнгөрсөн амралтын өдрүүдэд болж, өндөрлөлөө. Энэхүү тэмцээнд 22 орны эрэгтэй 93, эмэгтэй 71 тамирчин оролцсон юм. харин манай улсаас эрэгтэй, эмэгтэй жин тус бүр дөрвөн жүдоч хүчээ үзсэн юм. Жүдочид  эрэгтэйчүүдийн 60, 66, 73, 81, 90, -100, +100 кг-д, эмэгтэйчүүд: 48, 52, 57, 63, 70, -78, +78 кг-ын тус бүр долоон жинд барилдлаа.

Өнөөдөр үлдсэн жингүүд болох эрэгтэйчүүдийн 81, 90, -100, +100 кг, эмэгтэйчүүдийн 70, -78, +78 кг-ын жингийн барилдаан боллоо. Энэхүү долоон жингийн барилдаанд эрэгтэйчүүдийн 90 кг, эмэгтэйчүүдийн 70 кг-аас бусад жинд манай жүдочид алтан медалийн төлөө өрсөлдсөн юм. Ингээд эрэгтэйчүүдийн -100 кг-ын жинд манай улсын хоёр тамирчин хоорондоо барилдан, Б.Тэмүүлэн, Б.Ариун-Эрдэнийг ялснаар алтан медаль хүртлээ. Эмэгтэйчүүдийн -78 кг-ын жинд П.Лхамдэгд Украйны Виктория Турксыг Вазари үнэлгээгээр, +78 кг-ын жинд Д.Цэрэнханд Өмнөд Солонгосын тамирчин И Жун Юн цэвэр ялан алтан медаль хүртлээ.

Харин эрэгтэйчүүдийн 81 кг-ын жинд О.Ууганбаатар мөнгө, -100 кг Б.Өнөржаргал, Пүрэвдорж, +100 кг-ын жинд Н.Батсуурь, эмэгтэйчүүдийн +78 кг-ын жинд Б.Мөнхтуяа нар хүрэл медалийн болзол хангалаа. Гуравдахь жилдээ зохиогдож буй энэхүү тэмцээнээс манай тамирчид 9 алт, 5 мөнгө, 9 хүрэл медаль хүртэж, багийн дүнгээр нэгдүгээр байрт орлоо.
 

“Чингис хаан 2011” дэлхийн цомын тэмцээний медальтнууд

Эрэгтэйчүүдийн 60 кг

1. Ч.Болдбаатар (Монгол)
2. Аскат Телманов (Казахстан)
3. Д.Төмөрхүлэг (Монгол)
4. Ким Вон Жин

66 кг

1. Х.Цагаанбаатар (Монгол)
2. С.Мияарагчаа (Монгол)
3. Чо Жун Хо (Солонгос)
4.  Фукуока Масааки (Япон)

73 кг

1. С.Ням – Очир (Монгол)
2. Г.Одбаяр (Монгол)
3. Г.Пүрэвдорж (Монгол)
4. Иван Иефанов (Украйн)

81 кг

1. Хон Суг Воон (Солонгос)
2. О.Ууганбаатар (Монгол)
3. Алжаз Седей (Словен)
4. Иван Воробев (ОХУ)

90 кг

1. Сон Дае Нам (Солнгос)
2. Кирилл Вопросов (ОХУ)
3. Роман Гонтиук (Украйн)
4. Квон Ёнг Вү (Солонгос)

-100

1. Б.Тэмүүлэн (Монгол)
2. Б.Ариун-Эрдэнэ (Монгол)
3. Б.Өнөржаргал (Монгол)
4. Д.Пүрэвдорж (Монгол)

+100 кг

1. Ким Сун Мин (Солонгос)
2. Андрей Волков (ОХУ)
3. Н.Батсуурь (Монгол)
4. Шичиноке Рю (Япон)

Эмэгтэйчүүдийн 48 кг

1. М.Уранцэцэг (Монгол)
2. Шин Сүн Мин (Солонгос)
3. Г.Отгонцэцэг (Монгол)
4. Мо Цинцин (Хятад)

52 кг

1. М.Бундмаа (Монгол)
2. Ким Кун Ог (Солонгос)
3. Б.Солонго (Монгол)
4. Сузанна Павлыковска (Польш)

 
57 кг

1. Ким Жан Ди (Солонгос)
2. Т.Баттөгс (Монгол) 
3. Д.Сумьяа (Монгол) 
4. Лию Ян (Хятад)

63 кг

1. Ц.Лхамзаяа  (Монгол)
2. Кон Жа Юн  (Солонгос)
3. Оксана Диденко (Украйн)
4. Жессика Гарсия (Пуэрто Рика)

70кг

1. Раса Срака (Словени)
2. Наталия Смал (Украйн)
3. Хан Вей Ян (Хятад)
4. Франциска Цаво (Унгер)

-78 кг

1. П.Лхамдэгд (Монгол)
2. Виктория Туркс (Украйн)
3. Жеон Гион Ми (Солонгос)
4. Дария Погорзелес (Польш)

+78

1. Д.Цэрэнханд (Монгол)
2. И Жун Юн (Солонгос)
3. Б.Мөнхтуяа (Монгол)
4. Мелисса Мохика (Пуэрто Рика)