Оросын кино найруулагч Александр Сокуровын бүтээл “Фауст” Венецийн кино наадмын дээд шагнал “Алтан арслан”-г хүртлээ. Герман гаралтай Ирландын жүжигчин Майкл Фассберг Британийн найруулагч Стив МакКвиний бүтээл “Ичгүүр”  киноны дүрээр шилдэг эрэгтэй дүрийн шагнал хүртсэн бол “Эгэл амьдрал” киноны дүрээр Хонконгийн жүжигчин Динни шилдэг эмэгтэй дүрийн шагнал хүртлээ.

Венецийн кино наадмын дуулианы эзнээр жүжигчин Фассбергийг нэрлэж байгаа бөгөөд түүний тоглосон “A Dangerous Method” бүтээл кино шүүмжлэгчдээс өндөр үнэлгээ авсан юм. Венецийн кино наадмын “Алтан арслан”-гийн эзэн найруулагч Александр Сокуров урлагийг дэмжих сан байгуулахыг Засгийн газартаа уриалсан байна. Тэрбээр кино наадмын үеэр болсон хэвлэлийн хурал дээр “ Кино тансаг зүйл биш. Энэ бол нийгмийн хөгжлийн үндэс суурь нь” гэж ярьсан байна.